અમદાવાદના થલતેજ વિસ્તારમાં આવેલા મેગ્નેટ કોર્પોરેટ પાર્કમાં ભીષણ આગ લાગતાં અફરાતફરી મચી ગઈ હતી. આગ અને ધુમાડાથી બચવા કેટલાક લોકોએ બિલ્ડિંગના બીજા માળેથી કૂદકો માર્યો હતો. પ્રાપ્ત માહિતી અનુસાર, આ ઘટનામાં એક વ્યક્તિનું મોત થયું છે. આગની જાણ થતાં ફાયર વિભાગની ટીમો તાત્કાલિક ઘટનાસ્થળે પહોંચી હતી. બિલ્ડિંગમાં ફસાયેલા આશરે 16થી 17 લોકોને સુરક્ષિત બહાર કાઢવામાં આવ્યા હોવાનું જાણવા મળ્યું છે. ઘટનાસ્થળે 16 એમ્બ્યુલન્સ પહોંચાડવામાં આવી હતી અને બચાવ કામગીરી ચાલુ હતી. આગ લાગવાનું ચોક્કસ કારણ અને જાનહાનિ અંગે સત્તાવાર વિગતોની રાહ જોવાઈ રહી છે.
